مساء الخير \ جمعة طيبة ولطيفه عليكم
مر وقت طويل مانزلت شيء بالمدونه
اولًا انا مو خبيره بهالشيء بس بحكي تجربتي وايش اللي ناسبني
ومعتبرته شيء اساسي ويومي بعنايتي ببشرتي..
ثاني حاجه بشرتي جافه وتتقشر حتى
واكثر الاماكن خشمي وحول الحواجب القا فيها قشور من الجفاف
راح اتكلم في هالتدوينه عن منتجات مره حبيتها ومستمره عليها هالفتره
طبعا تعتبر علاجيه لان فيها مقشر مستمره عليه عشان يشيل لي اثار الحبوب
اللي طلعها منتج نيتروجينا الوردي بالقريب فروت :/
كنت حابه هالمنتج مره بالبدايه احسه ينظف من قلب
بعدها باسبوع طلعت لي حبوب فضيعه منه وصار وجهي يحرقني هذا غير الجفاف
والاسمرار اللي طلع حول شفايفي من كثر ماحرقني هالمكان
بس ماتركته كنت حاطه ببالي ان كل منتج لازم يسوي كذا
وبعدها راح يحسن بشرتي وهذا اللي صار بعد اسبوعين من استخدامه
بس اللي ماحبيته فيه ان الحبوب ابدا ماقل ظهورها!
والغريب انه منتج خاص بهالشيء كان كل يومين تطلع لي حبه
بمكان ماكنت اشوف فيه حبوب ابد ويظل الاثر!!
بعد ماخلصت المنتج قررت اقطعه < بدري :/
Clean&Clear morning energy
قررت اجرب هالغسول من كلين اند كليرباليمون والبابايا
مرره حبيته! اول شيء واهم شيء لاحظته ان الحبوب وقفت تطلع
هذا غير انه ينظف من قلب ويخلي البشره فرش عالصبح وبارده
ماعرف كيف اشرح بس لما تاكلين علك نعناع حار وتشربين مويا وتحسين ببروده كذا احس وجهي بعد ما استخدمه :d
يجفف اوكي بس مو مثل جفاف نتروجينا وماتحسست منه بالبدايه ولاشيء
حبيته ولما يخلص اكيد راح اشتريه ()
السيء فيه ان جواته حبيبات ماتطلع كلها تظل جواته
وحتى لو طلعت ماحس راح تسوي فرق
خذيته من صيدلية الدواء سعره بالعشرين اتوقع مو فاكره
St Ives scrub <3
كلنا نعرف مقشرات سانت ايفز وكيف المدح اللي عليها
منتجات امنه وماتظر البشره وما اختبروها على الحيوانات ()
جربت قبل منتج لهم وهذا كان الثاني لي
حبيته مره وصار من مفضلاتي
سكرب للوجه ينظف بعمق اقدر احكم على هالشيء من الحبيبات الموجوده فيه
احب انه خشن عشان اتاكد اني جالسه اقشر كويس واشيل الخلايا الميته
ماتحسست منه لكل انواع البشره واويل فري
Skinoren
هذا راح يكون الحب وقريب القلب 3333>
وصفته دكتوره لاختي طلعت لها حبوب بظهرها
اختفت الحبوب واختفى الاثر معها!
طبعا بعد الماساة اللي سواها فيني نتروجينا قررت استخدمه
والحمدلله ماتحسفت اني استخدمته
طبعا يعتبر علاجي ومقشر يعني راح تواجهين حرقان وجفاف وقرص بوجهك اول ماتحطينه
بس عادي دقايق ويختفي القرص, احطه بالليل وانام واغسله الصبح
اللي عندها اثر قليل تحطه على نفس الاثر
بس عني ادهن وجهي كامل
سكينورين تقشيره خفيف يعني مارح يسلخ وجهك
وتقدر تستخدمه الحامل والمرضع مثل مو مكتوب عليه
لي اسبوع استخدمه وجد جد جد فرق كثر معي والكل شاف الاثر كيف خف
وان شاء الله اسبوعين زياده وتختفي متفائله فيه وحابته من اعماق نقطه في قلبي
Benzac AC 5
بنزاك علاج موضعي لحب الشباب يشبه الاكرتين لاني لما طلبته ومالقيته عطاني الصيدلي البنزاك
سبق وعطتني دكتوره للحبوب الخفيفه اللي مثل الرمل بالوجه اللي ماتبان الا بالمس
وكمان عطتني لظهري
رجعت اخذته وصرت استخدمه على الحبه اول ماتطلع
انظف وجهي واحط بعود الاذن على نفس الحبه واكرر هالشيء كم يوم لما تختفي الحبه
هو يعتبر جل, مقدر استغني عنه يفيدني كثير في اوقات الحبوب اللي تطلع
من اضطراب هرموني وقت البيريود او من سترس
Lipobase
كريم مرطب طبي قوامه ثقيييل مره واحب هالشيء فيه لان بوقت تقشير
وبشرتي جافه ويبغا لها كريم ترطيبه ممتاز
يوصفونه الاطباء كثير للي يعانون من اكزيما بسبب ترطيبه العالي
مره جميل ينعم من قلب
استخدمه الصبح مع حبة فيتامين E افتحها واخلطها مع المرطب
وابدا اسوي لبشرتي مساج.
بديت استخدم هالفيتامين لما قربت ادخل الـ 25 :d
حتى اعطي للبشره نظاره وامنع التجاعيد لانه مضاد اكسده
وفوائده مالها حصر رخيص وفي متناول الجميع
فيه متوفر عند التاجرات الزيت
بس انا خذيت ذا وماعندي مشكله افتح الحبه كل يوم
حابته مره وفي الكرتون 30 حبه لمدة شهر ()
Body lotion \ NIVEA
هذي اول مره اجرب منتج من نيفيا
خذيته لان المكتوب عليه شدني خاصه انه بزبدة الكاكاو وفيتامين E
وللبشرة الجافة, ريحته حلوووه احس ترطيبه مكثف عكس فازلين اللي بزبدة الكاكاو
احس اكب علي مويه لما احطه مافيه حتى ريحة ترطيب
قوامه مناسب للجسم مو ثقيل وبنفس الوقت خفته مناسبه لدهن كل جسمك
ممتاز انصحكم فيه
اتمنى اني افدتكم ولو بشيء بسيط وطبعا اللي ناسبني ممكن مايناسب حد ثاني
لازم تعرفون طبيعة بشرتكم واللي يناسبكم قبل تجربون اي شيء
اتنمى اشوف كومنت لاي حد مجرب هالمنتجات
اشوفكم في تدوينة ثانيه
غسول كلين أند كلير فعلا ممتاز ..
ردحذفلما كنت أشتغل في المستشفى كانوا الفلبينيات يقولون وجهك متغير مره , ف استغربت كلامهم وخاصة أني ماأستخدمت شي غريب , لكن طلع السر بالغسول , ينظف مثل ماقلتي من قلب ويترك البشره نظيفه وفيها لمعة صحه ..
إستمتعت بالتدوينه :)