صباح الـ DIY!
احب التدوين في الصباح، هدوء وبال صافي
هذا اخر صباح ادون فيه دوامي راح يبدا 8 مارس ❤.❤
احب شيء اسمه اشغال يدويه، اعادة تدوير
احب اغير شكل كل شيء قدامي حتى لو كان للاسوء xD
غرفتي كلها كراتين وعلب مستحيل ارميها تحت عذر ممكن احتاجها!
بتكلم عن شيء بسيط سويته في ثرية غرفتي
-الثرية معروفة من ايكيا-
1\ جوخ او اي ورق ملون
2\ مقص
3\ مكينة خياطة
بعد ما طبعت صورة قلب من النت
رتبتها على الجوخ وقصيتها على شكل قلوب ملونه
ما حددت لون واحد اخترت اكثر من لون
بعدين بشكل سريع نرتبها تحت المكينة
ونخيط كل واحد بالثاني بيطلع شكلها ارتب واحلا
مثل الواضح بالصورة وبعدين نعلقها ❤
الجميل ان ثريتي قدام المكيف كل وقتها القلوب تطير
احسها تهدي اعصابي D:
ثاني DIY
تغيير شكل اي جينز قديم عندك وحامت كبدك منه :)
الجينز اللي عندي سكيني وخامته تتمطط
مليت مره من شكله فقررت اقصصه واغير شكله
الاغراض اللي نحناجها:
1\ مقص
2\ مشرط
3\ ملقط
نقص باي شكل نحب عشوائي او مرتب مافرقت
لان بالنهاية بيتغير الشكل تماما
عني قصيته على شكل بيضاوي
طويله الخطوط من النص وتصغر عند الاطراف
بالصورة الثانيه بعد ماقصينا
نبدا نسحب الخيوط وهذي ميزة الجينز
طبعا بالبداية صعب تلقين طرف الخيط
بس بعدين يسهل الوضع ومادوك توقفين تسحيب x)
شوفوا شكله بعد ماخصلنا من سحب الخيوط
مو واضح شكله وطالع قبيح حتى لان اولا مصورته بدون لبس ولازم له شد عشان يبان
وثانيا لسه باقي خطوه مهمه لازم نسويها قبل نلبسه
شوفوا كيف تغير شكله؟
لان اهم خطوه هو انك ترمينه بالغساله بعدين تجففينه
تغير شكل القص تماما وطلع احلا
مصورته على راحة يدي على اللبس مره جميل
وكاني شاريته جاهز مب انا اللي لاعبه فيه xD
لاحظوا الصورة اللي على اليسار تختلف
لان سحبت نص الخيوط والنص لا
لسه راح ارجع واقص مكان ثاني على شكل قلب
متاكده ان النتيجه بتطلع جميله مره ❤
ليست هناك تعليقات:
إرسال تعليق